 |
Questa pagina a no l'è stæta corretta. | |
SÛNETTO 1
O quaranta da tanti se vêu dì
Ch’o degge ëse ún biséstile fatale;
Ma mi diggo o conträio, e stæ a sentî
Cöse ghe veddo co-o mæ cannocciale:
In zenâ da gran fiocca 2 ha da vegnî,
Freschisscimo[sic] frevâ, marzo scioccale,3
Arvî ciûvoso e mazzo pin de scioî,
Zûgno con troin e ûn bello ciæo boreale,4
Lûggio e agosto calorico, settembre
Capriçiosetto, e forse se balliä,
Nebbioso ottobre, e abburascôu novembre.
Ûnn-a gran cösa nêuva succediä,
Sorprendente per tûtti de dexembre:
A-i trentün... o quaranta terminiä!
