Chittarin zeneize 1881/149 Sunetto

by Martin Piaggio

←Brindixi

Chittarin zeneize de Martin Piaggio Sunetto - Boñe feste a-i camê da tratoia do Baciccia

Sunetto→

SÛNETTO ¹

Con licensa, scignor, scià pitta ancon?...
Bravo!... Bon prò ghe fasse! Scià finisce
E fra tanto scià piggie, e scià gradisce
Sto nostro pastissetto da boccon.

Piatto de circostansa e de stagion,
De cöse o pêu saveì zà scià o capisce:
Presto dunque scià o giasce, scià o savoisce
E scià o colle, ché o no fa indigestion.

Ma lascemmo a figûa rettoricale,
Zuarisoræo ghe demmo in largo e in pin
E bonn-e Feste e o santo bon Natale;

Gh’augûremmo bon Capo d’anno e fin,
Guägni, mutte, salûte.... e quella tale
Gimichïa ² pe-o Nicolla e per Beppin ³.