 |
Questa pagina a no l'è stæta corretta. | |
SÛNETTO 1
Con licensa, scignor, scià pitta ancon?...
Bravo!... Bon prò ghe fasse! Scià finisce
E fra tanto scià piggie, e scià gradisce
Sto nostro pastissetto da boccon.
Piatto de circostansa e de stagion,
De cöse o pêu saveì zà scià o capisce:
Presto dunque scià o giasce, scià o savoisce
E scià o colle, ché o no fa indigestion.
Ma lascemmo a figûa rettoricale,
Zuarisoræo ghe demmo in largo e in pin
E bonn-e Feste e o santo bon Natale;
Gh’augûremmo bon Capo d’anno e fin,
Guägni, mutte, salûte.... e quella tale
Gimichïa 2 pe-o Nicolla e per Beppin 3.
