Cava in to remoin 1930/MISS GLOBE-TROTTER

In to remoin de Gioxeppe Cava
Miss globe-trotter

[p. 132 modifica]MISS GLOBE-TROTTER

Giana de carnaxön, giani i cavelli,
occiali neigri e neigro ö sêu vestî,
due gambe lunghe e secche, dui çimelli,[1]
scavâ da tutte e parte da nò dî.

Un vero spaventaggio pe-i oxelli,
scappôu da quarche campo e vegnûo chí;
ûn palo incatramôu, scimile a quelli
che acciantan dö telegrafo pe-i fî.

A passo cadensôu e l'oeggio attento
a e cose che in ta guidda son segnae;
no temme ö sôlleon, a neive, ö vento

[p. 133 modifica]

pe soddisfase a sêu curiositae.
E dî che questa miss con speize e stento
a vâ a çercâ pe-o mondo e raritae!...

  1. Çimelli: canne sottili usate per la pesca.