Cava in to remoin 1930/E BESTIE HAN SOLO L'ISTINTO?
| ←Ö lûtto pe-a môggê | In to remoin de E bestie han solo l'istinto? |
Miss globe-trotter→ |
E BESTIE HAN SOLO L'ISTINTO?
Dixan che e bestie n'aggian che l'istinto
e agiscian senza däsene raxon:
ma mî no son però gran ché convinto
e ne vorrievo quarche spiegazion.
Esempio: ö papagallo do Pasquale
pe a ciarla o dà di punti a 'n avvocato;
o canta de romanze tale e quale
che t'o piggiesci pe 'n artista nato.
Quando vedde a moggê dö meistro d'ascia
e a ghe dixe: – Bongiorno, papagallo! –
o ghe cria forte: – Ciao, brûtta bibascia!
Se passa poi sêu maïo, meistro Checco,
e o ghe dixe: – Salûte, papagallo! –
o ghe risponde ciaeo: – Allegro, becco!...