Pagina:Cava in to remoin 1930.pdf/132

Esempio: ö papagallo do Pasquale
pe a ciarla o dà di punti a 'n avvocato;
o canta de romanze tale e quale
che t'o piggiesci pe 'n artista nato.

Quando vedde a moggê dö meistro d'ascia
e a ghe dixe: – Bongiorno, papagallo! –
o ghe cria forte: – Ciao, brûtta bibascia!

Se passa poi sêu maïo, meistro Checco,
e o ghe dixe: – Salûte, papagallo! –
o ghe risponde ciaeo: – Allegro, becco!...


MISS GLOBE-TROTTER

Giana de carnaxön, giani i cavelli,
occiali neigri e neigro ö sêu vestî,
due gambe lunghe e secche, dui çimelli,[1]
scavâ da tutte e parte da nò dî.

Un vero spaventaggio pe-i oxelli,
scappôu da quarche campo e vegnûo chí;
ûn palo incatramôu, scimile a quelli
che acciantan dö telegrafo pe-i fî.

A passo cadensôu e l'oeggio attento
a e cose che in ta guidda son segnae;
no temme ö sôlleon, a neive, ö vento

  1. Çimelli: canne sottili usate per la pesca.