Cava in to remoin 1930/EDÛCAZION IN FAMIGGIA

In to remoin de Gioxeppe Cava
Edûcazion in famiggia

[p. 129 modifica]EDÛCAZION IN FAMIGGIA

Figgio de 'na carogna d'ûn can marso,
brûtto battôzo, porco e pellandron,
te vêuggio fâ ballâ co-a corda ûn svarso[1]
perchè ti impari ûn pò d'edûcazion.

Che te piggiesse a-o chêu mezo aççidente,
quando ti dorvi a bocca pe parlâ...[2]
Sacramencia, davvei, che in faccia a-a gente
ûnn-a bella figûa ti me fae fâ.

Zà, pe 'n Cristo! ti moîsci sördo e mûtto,
ti n'assemeggi manco a-i mae stivae;
çent'öte te l'ho dito, o muro brûtto,

[p. 130 modifica]

no vêuggio aveî pe-a cà di maedûchae...
Ase, schifoso, sioto, farabûtto,
piggia esempio da mî che son têu pôae!

  1. Svarso: valzer.
  2. Dorvi: apri. Si dice anche, e in specie dai genovesi: arvi.