Cava in to remoin 1930/CANTA, BAMBINN-A!

In to remoin de Gioxeppe Cava
Canta, bambinn-a!

[p. 57 modifica]CANTA, BAMBINN-A!

Canta, bambinn-a, canta; a têu vôxetta
a me reddescia in chêu dôçi momenti,
ti a canti proprio ben 'sta cansönetta
che a parla de pascion, de baxi ardenti.

[p. 58 modifica]

Ti a canti ben perché ti senti drento
cö sangue remesciâ questo motivo,[1]
e ti ghe metti tanto sentimento
che standote a sentî quaexi revivo

e belle ôe passae quando vibrava
in te mae venn-e ascí l'eterno canto
da zoventû trionfante, a-a quae bastava
ûn solo sorrisin pe fâ ûn incanto.

Canta, bambinn-a, canta; a têu vôxetta
'sto vëgio chêu marotto a me resann-a,[2]
mentre ascöso e sottî ne-a cansönetta
gh'é ö prelûdio per tî da ninn-a nann-a.

  1. Remexiâ: rimescolare.
  2. Marotto: malato. resann-a: risana.