Bolle de savon/Pe-o monumento a Mameli
| ←Cronaca Zeneize | Bolle de savon de Pe-o monumento a Mameli |
O quadretto do giorno→ |
| www.liberliber.it 2011 |
Mëgio tardi che mai! - Trovae 'n scöpello
che anima e vitta a-o marmo o sacce dâ;
o ne fasse Goffredo, e o segge quello:
rigido comme a lamma d'ûnn-a spâ.
Da-o verso cûrto, asbriôu, cö ritornello,
o scûltô o deve poeîne indovinâ
tûtto o chêu, tûtto o fêugo do çervello....
O marmo o deve quaexi palpitâ.
Zena a no vêu ûn Mameli, ûn monumento
di soliti, ûnn-a cösa de manëa:
prïa freida senza cô de sentimento.
A vêu c'o parle, - a vêu veddilo, insomma,
illûminôu dä lûxe dell'Idea
pe-a quae o l'é morto combattendo a Romma.