Çittara zeneize/Rimme servî/Quanto ciù de Zaniña diggo e scrivo
| ←Quando veggo Zaniña a ro barcon | Çittara zeneize - Rimme servî de Quanto ciù de Zaniña diggo e scrivo |
In çento e mille lœughi dra Çittǽ→ |
| Zena, Franchello, 1745 notte do Prien |
IV.
Quanto ciù de Zaniña diggo e scrivo,
Tanto ciù ghe sarǽ sempre da dî.
L'è bella per sett’atre e ciù gentî:
L’è sempre fresca comme un semprevivo.
Che maraveggia è donca, se ne vivo
Bello invriægo e matto da spedî?
Se, quando sarǽ tempo de dormî,
Son ciù desciao che n’è l’argentovivo?
Fǽ cointo che l’è tutta pignoretti:
Se ra gora per sorte ghe mirǽ,
Ra vei tutta scciovî canestrelletti.
In somma, chi non sa cose se sæ
Questa, chi me fa fâ tenti Sonetti,
No sa cose sæ Amô ni caritǽ.