Çittara zeneize/Rimme servî/In çento e mille lœughi dra Çittǽ
| ←Quanto ciù de Zaniña diggo e scrivo | Çittara zeneize - Rimme servî de In çento e mille lœughi dra Çittǽ |
Façço ogni dì ciù fæti che Gianchiña→ |
| Zena, Franchello, 1745 notte do Prien |
V.
In çento e mille lœughi dra Çittǽ
Da tutte re persoñe a bocca piña
Sento fâ fóre d’esta mæ Zaniña,
Dî cose a primma vista da no cræ.
Ognun ghe fa ro collo dra pietǽ:
Ognun ra riverisce e se gh’inchiña,
Comme s'a foisse quarche gran Regiña,
Ro ciù gran personaggio chi se sæ.
Ma, quanto ognun ne ciarle e ne recointe,
Per quanto ognun s’inzegne de laodâra,
In paragon dro tutto è comme un ninte.
Che da mi, solo de considerâra,
Veggo cose, che, a dî che me re cointe!
Mi mæsmo no m’incallo de spuâra.