Vienna deliviâ 1684/2/21
| ←atto segondo - scena trezexima | O Capoâ Alì e a Gianchinetta de atto segondo - scena vintunexima |
atto segondo - scena vintidoiexima→ |
| cangiao quarche pontezœüe e quarche maioscole, cangiao u e v, in corscivo e ligœüe, tra parentexi squæe e lettie da azonze, tra parentexi rionde e lettie da esponze |
SCENA XXI
Gianchinetta sola.
Oimè, meschin[n]a mì, quande me rieiva de quelle, che pativan mà de muoęre, e che sercavan cornabuggia, oerio d'oribado, e de rua, e n'aveiva ancon de giudizio, e a mi ra muoęre no me bellettegava ancon com'oura; ma dime un pò a chi non se sereivela levà da luoego, se tutto ro giorno no se sente solo strepito de trombe, e tamburi, e marcià l'Essersito in battaggia? povea garzonna, a che segno son reduta per amò! quando ben me gh'apenso, a se me desquerna d'adosso de tá manera, che ro segretto de sciaccaghe ra simixa o n'è ciu bon. ve stimavo, che tanto mì, come quella poverassa de mę patronna, semmo acconse per e feste? Serrę i[n]tro serraggio, con ra guardia de gente accapponà, che quando oressan fan un servixo, no puoeran pe ro streito orde, ch'an, e da puoe de sò natura son tanto superbi, che a forsa de brasse, o bisuoegna[sic] tiragheri pe ra tiesta, e tutto ro piaxei, che ghe puoeran fà, l'è lasciane senza maneggie, où quande avę ro verme simonin d'entro frexetto dre scarpe, e che ra felise memoria de mę Madonn' Ava, me dixeiva: "Figgia, te passeran. Ti faressi miegio a piggià ro mie conseggio, e mettite a ri mie costummi." E mi da matta me ne rieiva. Così fuisse stęta sotta ra sò dissiprinna, e gh'avesse atteiso, che oura non me trovereiva in questi balli.