Ro Chittarrin/Oh ri are aora, eh, bella Manin!
| ←L'arco e ra corda vœuggio un dì bruxâ | Ro Chittarrin, o sæ strofoggi dra muza de Oh ri are aora, eh, bella Manin! |
Sciù ri are, Minetta, d'un sospiro→ |
Oh ri are aora, eh, bella Manin!
Che poesse fâme in forma d'oxelletto
E mentre stæ in setton lì sciù ro letto,
Intrâ drento int'ro vostro camerin.
Me sentiræ ben dî, caro cósin;
E me regaleressi un pignoretto,
De careççe vîræ fâme un muggetto,
E me daressi ancon mille baxin.
Ma repiggiando poi ra mæ figura,
Se a ri pê ve cazzesse inzenoggion,
Cose porræ sperâ? Superba e dura,
Responderessi sença compassion,
Mai ciù per ti non cangerò natura,
Ciù fiera che uña tigre, e che un lion.