Ro Chittarrin/Lavate int'ro mê sangue, Amô, re moen
| ←Gira in letto da un cò, dall'âtro gira | Ro Chittarrin, o sæ strofoggi dra muza de Lavate int'ro mê sangue, Amô, re moen |
Sciù ra destruçion de Lisboña per ro terremoto seguío l'anno 1755. ro primmo Novembre.→ |
Lavate int'ro mê sangue, Amô, re moen:
Fammene à pê à cavallo, à ciù no posso:
Suçça, roziggia pù ra porpa e l'osso,
Co uña famme da lôi, raggia da chen.
Int'ro çuffo ra morte zà me ten,
Ni me spaventa ro sâtâ ro fosso.
Ro mâ l'è incancarío, che ciù non posso
À Minetta lasciâ de vórei ben.
Un pò de mâ dra soçça, e ro malanno
Ghe vegne à chi te ciamma Amô benigno:
Mi te ciammerò sempre Amô tiranno:
Amô sença pietæ cruo e maligno,
Che à ro mê cianze quanto longo è l'anno,
Ti me rebatti sciù ro môrro un sghigno.