Ro Chittarrin/L'è un çerto lême Amô, non sò da chi

Ro Chittarrin, o sæ strofoggi dra muza de Steva de Franchi
L'è un çerto lême Amô, non sò da chi


[p. 104 modifica]
SONETTO.


L'è un çerto lême Amô, non sò da chi
Ni quando, ò da che parte o sæ nasciúo,
Ni per mezo de chi o sæ vegnúo.
Confuzo lê, confonde ri âtri assì.

Un poco là, un poco o pitta lì:
De cose o vive, nisciun l'ha sapúo:
In re dœugge, in re peñe o ghe ven druo
Aora o se finze nœutte, e aora dì.

Ferisce non sò comme in mezo o cœu:
Fería, segno, ni sangue non ghe pâ;
E chi è ferío da lê, vivendo mœu.

Con ro cœu, sença lengua o fa parlâ:
De dentr'o taxe, e o fà parlâ de fœu.
Da questo matto chi se pœu guardâ?