Ro Chittarrin/In lode dra famosissima signora Lucreçia Aguiari

by Steva de Franchi

←À ra signora Catariña Gabrielli primma donna

Ro Chittarrin, o sæ strofoggi dra muza de Steva de Franchi In lode dra famosissima signora Lucreçia Aguiari

Per ra signora Annetta de Amicis primma donna→

In lode dra famosissima Signora Lucreçia Aguiari, che in ri doî Drammi ra Niteti e ro Demetrio canta da Primma Donna à ro Teatro de S. Agostin ra Primma Veira dell'anno 1766.
SONETTO.

Uña voxe chi và drita à ro cœu,
D'un metallo sì douçe^[sic] e così fin,
Avei, Lucreçia, che pâ un campanin
D'argento ben purgao dentr'un corzœu.

Voî passæ ri Canarii, i Rossignœu:
Intra gora gh'avei ri violin:
Ra vostra voxe non hà mai confin:
D'in âto in basso a fà quello che a vœu.

Da ra moære Natura fabricâ
Sei stæta sciù sto gusto, e sciù sto pê
Espressamente per dovei cantâ.

E v'ha fæto sto don Domenedê,
Per fâne con raxon considerâ,
Comme cantan ri Angeri dro Çê.