Ro Chittarrin/Conseggia ro tò cœu con quella sciô
| ←L'Arba non se vè moæ da ro Levante | Ro Chittarrin, o sæ strofoggi dra muza de Conseggia ro tò cœu con quella sciô |
À ro signor D. Ambrœuxo Conti in lode dre sò poexie zeneize→ |
Conseggia ro tò cœu con quella sciô,
Minetta, ch'è così bella appomâ,
Fresca, brillante e piña de rozâ,
E chi ne manda un così grato odô.
Vattela à piggia int'ro carâ dro Sô.
Ti ra viræ lì brutta asberruffâ:
Re fœugge ghe començan a crovâ,
E frolla e passa, a perde ro frescô.
Quest'è ra vera idea dra to belleçça,
Chi te fa stâ così superba e dura,
Quando sponteran ri agni dra veggeçça.
Per ti non sentirò ciù fœugo ò arsura:
Tutta sarà cangiâ ra tò fiereçça,
E in amô ti faræ brutta figura.