Ro Chittarrin/Che me ghe scialle, ò ch'o me faççe ratti
| ←Me pâ d'aveive dîto, che non vœuggio | Ro Chittarrin, o sæ strofoggi dra muza de Che me ghe scialle, ò ch'o me faççe ratti |
Son giusto chinze giorni, mê Minetta→ |
Che me ghe scialle, ò ch'o me faççe ratti,
Minetta, quello poco de piaxei
D'andâ a ballâ staseira? ò pù vorei
Fà[sic] rie ra gente in fâ cose da matti?
L'âtra seira me dessi in desbaratti:
Rompî ra banderetta, e fâse vei
Pestâ dri pê, fâ smanie, e, come sei,
Fâme ri môrri, e fâ mille sciaratti.
Perchè à Roziña m'assettei da presso,
Voî dî che mi ghe façço cascamorto,
E vorei fâghe subito un proçesso.
Se façço questa vitta, mi son morto,
E no sò se me sæ à rosto o à lesso.
Sì ve zuro, Minetta, ch'avei torto.