Ro Chittarrin/Atra risposta dro mæximo signor abbate Conti
| ←Risposta dro signor abbate Conti à ro signor Steva de Franchi | Ro Chittarrin, o sæ strofoggi dra muza de Atra risposta dro mæximo signor abbate Conti |
In lode dro dottissimo paddre Marco predicatô→ |
ABBATE CONTI.
SONETTO.
Caro Sciô Steva, così ben ro stallo
Piggæ à ri versi, che no moæ s'inteize
Un chi scrive de voî megio in Zeneize,
Un chì me dagghe ciù piaxei, ciù sciallo.
Lascæ inderrê Foggetta e ro Cavallo,
L'un e l'âtro fra noî tanto paleize.
Sei deventao ancœu ro primmo arneize,
Ch'agge montao ro Pegazeo Cavallo.
Ra vostra rimma così fiña e netta,
Re parolle anniccæ così à sò posto,
Che à saveive immitâ saræ un'incetta.
Mi son ro cœugo, voî sei ro prevosto;
Voî sei ra torcia, mi ra canderetta;
Mi de Zena Stoppin, voî l'Ariosto.