Ro Chittarrin/A ro signor Roberto Curlo
| ←Se te sento çillâ, brutto fraschetta | Ro Chittarrin, o sæ strofoggi dra muza de A ro signor Roberto Curlo |
Risposta de Roberto Curlo→ |
ROBERTO CURLO
SONETTO.
Dîme Signor Roberto, onde imparao
Avei l'arte sì bella e delicâ
De scrive in verso, e quello reçitâ
Con tâ graçia, che ognun resta incantao?
Ra çittara d'Apollo da ro lao
Per giusta lezze voî porei portâ,
E ro secolo bon se pœu vantâ
Per voî d'ésse à ro mondo retornao.
Perchè re vostre rimme in veritæ,
Comme quelle d'Omero e de Maron,
Re stimmo degne d'uña eternitæ.
Creppe l'invidia, e scciœuppe ra passion.
Morte, che à tutto dà dre messoiræ,
Sciù quelle a non gh'ha drîto ni raxon.