Ro Chittarrin/À ra signora Lucreçia Aguiari in ra mæxima occaxion
| ←À ro merito sorvegrande dra signora Lucreçia Aguiari | Ro Chittarrin, o sæ strofoggi dra muza de À ra signora Lucreçia Aguiari in ra mæxima occaxion |
À ro sorprendente merito dra sig. Anna Pallarini→ |
LUCREÇIA AGUIARI
SONETTO.
Æla uña voxe umana, ò un violin,
Che in gôra avei, Lucreçia, ò un flagioletto?
Quello cantâ così polito e netto,
Chi ne sorpende, e passa ri confin?
Orseo, quello gran Musico Divin,
À confronto de Voî, con un decretto,
O se decæra d'ésse un zero sccetto,
E ve posa à ri pê ro chittarrin.
Tersicore, e ri atre dro sò coro,
Con re sò proprie moen se dan ro vanto
De coronâve d'un eterno alloro.
E con piaxei universale e tanto
À cæro son de tromba alta e sonora
Sei stæta deciarâ ra Dea dro Canto.