Rime diverse in lingua genovese/Se per mostrà ra so possanza Dè
| ←Resposta dre Donne | Rime diverse in lingua genovese de Se per mostrà ra so possanza Dè |
Perche re donne d'haura mariè→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa clicca i asterischi pe l'errata corrige |
Se per mostrà ra so possanza Dè
Drè bellezze dro Cè schiumà ra sciò
E voi ne fè con si divin sprendò
Ch'in terra ne mostrè ro ben dro Cè.
5Per che seivo de coe tanto crudè
Che inanti seira n'ascondei ro sò,
Anzi crovi* dro Cè tutto l'honò
D'un chiumassetto ingiurioso e rè.
E al'orbetto zughemmo tutti noi
10E a taston van re gente tutte quente
Senza ro lume che n'ascondei voi.
Ma ben me maraveggio che si rente
Non bruxe ro chiumazzo con doi Soi
Che da ra lonzi bruxan tanta gente.
15Anzi dixe ra gente;
Che quando adormentà i oggi serrè
Amo* chi è orbo tutto assemeggie.*
Ta luxe ancora fe;
Che abarlughe* ra gente era rosti,*
20Che deivo donca fa quando i arvi?*
E per no fane orbi;
E bruxà fossa ve crovi* ra chiera,
E per pietè de noi, parei crudera.
Che l'homo vorentera;
25Corre sempre a ro ma chi ghe deletta,
Como ra nescia fa dra porseletta.
Ma ro nome Chieretta;
A voi sta ben poe che ro mesmo Sò,
Vensei non che ra Lunna de sprendo.*
E ancora de carò;
30Che chiù dro Sò ben chiero Chieretinna,
Ro vostro chiero m'abbarluga e strinna.
Se ben mi* sei coxinna
Ni è marnveggia* che ro Sò vensei,
Che ro Sò no è sarvo un como veirei.
35Se aro Cè guarderei;
Ma notte e giorno Chieretinna a voi,
In cangio d'un, ne luxe in chiera doi.
Ri que chieri splendoi;
De notte a noi serre* n'arvan ro giorno,
40E fan da mezo inverno un Mazo adorno
E se levan d'attorno;
Ra notte non che nuvere, e negin
Chi no puon noxe à lume si divin.
Como aro Sò meschin.
45Chi se lascia crovi* da veli tè,
E pero chiù dro Sò per fama andè:
Che in tutto l'avanzè;
E per che chiera sei, si chiera e bella,
Mi ve chiamo madonnn* Chierabella.