Rime diverse in lingua genovese/Se parlo oura d'armà trenta garie
| ←Nio forte per arte, e per natura | Rime diverse in lingua genovese de Se parlo oura d'armà trenta garie |
Perche chiu dro comun ro proprio ben→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa clicca i asterischi pe l'errata corrige |
Se parlo oura d'arma* trenta garie,
No che d'armane como za duxento,
Mille dificurtè trova* ghe sento
Da chi n'ha manco voggia asse* cha mie.
5Ma senza breiga à Zena, e in villa assie
Di* noevo veggo fa paraxi cento,
De marmaro de foera, e orne* ben drento
D'oro, e de sea, e gren tapezzarie.
Ma inanti da Citten case habitamo
10E in cangio d'oro, sea e vanite,*
D'arneixi de garie ben s'inchimo.
E remi à ri barcoin tutti tegnimo,
E à ra marinna eran da noi portè
Quando in un tratto re garie armamo.
15E a fare no stentamo.
Ma ben de fare ancora moeo gh'è
Se ben ghe troeva tenti se, e me.
Ch'invio fa re vè:
Che per armà garie de bonna voggia,
20No ne manca oro, ma ra bonna voggia.
Che senza brega, e doggia:
Possemo fare, si re demo fà
Per ben comun, per ben particulà.