Rime diverse in lingua genovese/Ra Toga spende men, dra capa fava

by Poro Foggetta

←Zamarre longe, e Penne in ca portemo

Rime diverse in lingua genovese de Poro Foggetta Ra Toga spende men, dra capa fava

Quant'aura vui laudè sei da chascun→

da-e Rime diverse in lingua genovese, Bartoli, Pavia, 1588
cangiòu e u in v e viçeversa
clicca i asterischi pe l'errata corrige

Ra Toga spende men, dra capa fava
Che chi roba perà de sotta haveiva,
Ra Gonna centa ben si l'ascondeiva,
Puoe mil'agni una gonna ne durava.

5E se l'homo a ra fin pu ra frustava
Mille cose da puossa fa ne poeiva,
Come vesti* suoe figi se o ne haveiva,
Perche ra Toga moe* se tagiucava.

Ma demo aura à re robe mille tagi,
10Si costan chiu dra Toga, e duran men,
E a mettessere, e a tra chiù breigha gh'emo.

E como fruste un poco este robe hemo,
Ne faxemo a i oxelli speventaggi,
Che atro fa no ne poemo noi Citten.