Rime diverse in lingua genovese/Demande d'adavinà
| ←Risposta do Zabata a-o Questa | Rime diverse in lingua genovese de Demande d'adavinà |
O primmo canto do Rolando Furiozo→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa; clicca i asterischi pe l'errata corrige |
L'è pu certo, unna gran dezaventura
Ra mea, de zonze a cosi* tristo porto,
Che de maschio che son, cangio natura
E de femena puoe ro nome porto,
De pugni, e sponchionè fuoe de mezura
Me dà quarch'un ma pezo ancon soporto
Perche tar ho soffrisso, a tempo, e luoego
D'esse per nutri* lò, misso intro fuoego.
Che no me savei di tra tutte quente
Belle madonne mee, che cosa è quella
Chi se ve chiù da lonzi, che da rente?
Una cosa va pinna pe ra chà
Chi hà in le quaranta die, e quattro pe,
Ben è sotti* chi adavinà ra sà.
Mi d'ogn'hora camino, e moe* me muoevo
E i atri fazzo rossi, e neigro son
Porto ra cappa, e freiddo moe* no pruoevo.
Unna cosa havei vui, che no l'hò mi
E mi l'uuevero* chiu che no fe vui
Se vuì l'adavine* sei chiu che mi.
Che no savei (Donne) incertà
Che cosa quella sea, che vuoeggio di
Quà non ha i vuoeggi''[sic], chi no ghe ri trà.
L'è un animà chi è mezo pesso, e mezo
Donna, chi canta cossi* docemente
Che o fà cantando adormentà ra giente,
E puo ghe fà, zo che o ghe puoe fa pezo.
Son chiu sorelle a un parto generè
Re que pe ra sò gran dezaventura,
N'han si tosto de fuoe ra sò figura
Che son tutte in un subito apicchè.
Adavinè che cosa è quella, quà
Ro morto ra fà fà*, si come ro vivo
Che caschun ra puoe vei, ma no tocchà.
L'è unna cosa che crua, no se truoeva
Cuoeta no se mangia, e dirò ben
S'hora l'adavine*, che sei de pruoeva.
No ghe m me* craou tra vui (Donne) nissunna
Chi sachie quella cosa adavinà
Chi chiu semeggia a ra meite* dra Lunna.
Chi è quello chi nassè prima dro Poere
Che ro terzo de i homi, o l'ammazà
Puoessa tornà intrò* corpo de so Moere?
Guarde* se vuui* savessi adavinà
Quà sea quell'Animà chi è chi tra nui
Chi va con quatrto* pè, puoessa con dui,
E puoe con trei l'è solito d'andà.
Nasso de neigro Poere, e giancha son,
E a re Donne son cara, a ogni sazon.
Se De ve daghe zò che ve bezogna
Dimme madonne mee che cosa e quella
Ra qua spesso se gratta, e no hà rogna.
Puoessa che da mi mesimo uo* posso
Adavinà, Madonna diro vui
Qua sea quell'Animà chi stà tra nui
Chi hà ra barba de carne, e bocca d'osso?
Sotta ra pria chiatta
Ghe stà ra muta matta
Ra qua no sente, e si chiama ra gente.
Che no me savei di chi e quella cosa
Che giorno, e notte moe* no se reposa.
Dui luxenti, e dui ponzenti
Quattro stanghe, e pochi denti
Chi è quello chi no è figio, e manco Poere,
E generou, puoe genera so moere?
Madonne adavinè chi è quella cosa
Chi è maschio Crua, e cuoeta puoe deven
Femena, cosa in vei maravegiosa.
Di chi è quello Animà, per cortexia
Che chiamaou per so nome fuze via.
D'unna sfera pigiene ra meitè
E un'intregha meteighene da puoe,
Con ro principio ancon de Roma puoe,
Atro da nui no vuoe l'Ata Bontè.
Mi son figia dro Sò, nassua con lè
Che un cinquanta, e puoe un cinque con un dexe
Mostran chiero a cascun ro nome me.
Mi stago giorno, e nuette sempre in chà
E se ben son coverta moe* no son
Dro tutto sutta, ma sempre bagnà.
Quattro sorelle d'unna etè nui semo
Re que ben spesso se corremo apruoevo
Ni moe* pigiasse l'unna, e l'atra poemo.
Direiva ben che fuissi un Dottò secco
Se me savessi di chi è l'animà
Ro quà solo s'ingravia pe ro becco.
Guardè se vui savessi adavinà
Chi è quella cosa che dà no se puoe
Haggiandora, e puoe dara chi no l'hà.
Questo ben tocca à vui, bella fantinna
D'adavinà quello chi sea unna cosa
Ra quà spesso in moen vostre se reposa,
E re beele d'approevo se strassinna.
Libero nasso, e da puoe son ligaou
E chascun da mi imprende a vive ben,
E son da ì homi dotti accarezzaou.
Un, che quando menazza sempre taxe
Ni moe* s'astizza, che elo diro vui
Donne mee, se de diro hora ve chiaxe.
Un Poere hà doze figij
N'hà ogni figioue* trent'atri,
Se vui l'adavinè, sei chiu de i atri.
Andareiva de chi, fin in cocchagna
Per vostro amò, se me savessi dì
Che cosa quella sea qua no sò mi
Che stando sovra l'egua no se bagna.
Se vui no savei di chi dro capon
Se taggie prima, e dirò ben che sei
(Per diro a ra Zeneize) un'arbicon.
A dive una mea cosa me confondo
Quà fui quell'Aze chi ragnò si forte
Che caschun ro sentì ch'era a ro mondo?
Unna cosa è chi se ve, si se toccha
Che a marelede si tosto è toccà
Che no è chiu, ni se ve, ni se toccha.
Fazo vei i atri, e mi no posso veime
E son caro a re Donne, e a re donzelle
Què senza mi, no se farean si belle.
E zò che digho è vei, però vui creime.
Voi, ch'andè si con l'intelletto in sù,
Saverei quella cosa adavinà
(Qua strannia veramente a caschun pà)
Che quanto se n'amerma, a cresse chiù.
Vui che fè si dro savio, e de l'acorto,
Come faressi de dui morti un vivo,
E puoe dro vivo; dà ra vitta a un morto?
E vorreiva che ti Segnò me dessi
Quello che ti non è, per havei moe,*
Se de Matusalem i agni vivessi
O d'atro, che vissuo sea tempo assè.
No pensà moe d'havero*, che saressi
In grande errò per di ra veritè.
Ma se pu tanto mi te son a cuoe
Damero, e no tardà, perche ti puoe.
Adavinelli.
| 1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18. 19. 20. 21. 22. |
Il formento. La nebbia. La Donna gravida. Il camino da fuoco. Il nome. La maschera. La Sirena. Le candele. L'ombra La cenere. L'altra metà. Caino, l'Huomo. La biacca. Il formaggio. Il gallo. La campana. L'Acqua. Il Bue. Il ghiaccio. La calcina. Il Gatto. |
23. 24. 25. 26. 27. 28. 29. 30. 31. 32. 33, 34. 35. 36. 37. 38. 39. 40. |
Il cuore.
La luce. La lingua. Le rote del carro. La Capra. La Morte. l'Ago col filo Il Libro. Il dito. L'Anno. il Sole. La pelle Quello dell'Arca si Noe. L'ampolla dell'acqua. Lo specchio. La Fossa. Il focile, & la pietra focaia. Dar marito alla Donna. |