Rime diverse in lingua genovese/Risposta do Zabata a-o Questa
| ←Lorenzo Questa a Christoffa Zabata | Rime diverse in lingua genovese de Risposta do Zabata a-o Questa |
Demande d'adavinà→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa; clicca i asterischi pe l'errata corrige |
Se o no fuisse che ven messe* Bastian,
Con messe* Agosto dri Bernardi inseme,
Che de quello che tanto hora ve preme
Da mi savei, tutto ve quinteran,
5E piggiereiva hora ra penna in man
Si ve direiva tante cose asseme
Re que moe* no ghe penso che no treme
Comenzando da l'egua de Magnan.
E d'unna strannia navigation
10Feta de chinze migia zu per Pò
Onde fuimmo a perigo de negà
Su per unna burchiella, in concruxon
Ra quà per trenta sodi fù accatà
Da un certo che ro nome no ghe sò.
15Digo che si* levò
Una fitta borasca, con tà vento
Chi n'inchi* tutti quenti de spavento
In fin con monto stento
E gran travaggio, e penna asse* de cuoe
20Tutti a soromboron, zeimo a Stizzuoe
Ne sovrazonse puoe
Per zuinta un'egua fraza chi ne fè
Cria* chiù d'unna votta oime, oime,*
Questo creime, perche*
25Se trovamo intrun boscho, ne saveimo
Donde, e tente formigore pareimo,
Perche portà no poeimo
Be* robe nostre, e l'egua ne scorrava
Ni se poeiva stà in pe che si* scugiava
30Pensè vui come stava
Caschun de nui, lonzi da l'hostaria
Ch'era de nuette za l'Ave Maria.
Son scorso fuoe de via
Che tente cose non vorreiva scrive
35Che megio questi dui saveran dive.
Procurè san de viuve
E in gratia vostra (se pu ne son degno)
Conserveme, e dro Preve de Rovegno.
Che no vueggio ro segno;
40Passà chiu innanzi, e chi fermo ro pè
M'areccomando a vui steve con Dè.
Ve manda esto papè,
Cristoffa, che Zabata se fà di
Dro sesto meixe a chinze de puoe Arvi.*
45Da ra gran Cittè, chi
E' in egua, e tra re figie a se puoe mette,
Dro mille cinquecento Oittanta sette.