Ra cittara zeneize 1636/Se ra descretion nò ven da vuoi
| ←torna a l'èndexo | Ra cittara zeneize de Amoî Çivî |
Sissanta Lunne à cavo de cinquanni→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Se ra descretion nò ven da vuoi,
De giudica, Minetta, come staggo,
Con vei che à poco à poco me ne vaggo,
Per caritæ de trame da pati;
Quanto per mì cose posse chiù di?
No vei da per vuoi mesma che no daggo
Chiù dra vitta un bædin? che ne l'instaggo?
Che poæro in ciera un morto da cuxi?
Annima mæ da tenti contrasegni
Sens'atro puei tegnime per spedio;
Puei di c'haggie ra freve con ri segni.
Ah' pigiæghe, me coe, quarche partio,
Finche ri segni nò deventan pegni,
Ma færo presto per amo de Dio.