Ra cittara zeneize 1636/Sissanta Lunne à cavo de cinquanni

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Çivî

Amó quando seguì ro tò cammin→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

Sissanta Lunne à cavo de cinquanni
In quarti, e in quintedecime cangiæ,
Ch'Amo con meigo ha tutte allumeræ
A son spesso de raggie, e de maranni.

Ingratissima Donna, in tenti affanni,
Ch'hò fin à chì per vuoi visti, e passæ
Ve fan fæ lo se ogni raxon vorræ,
Che in fin con vuoi mì non restasse un zanni

Se un nuoevo Amo; se un fummo; un pentimento
Dæ, per raxon, sensa caxon nissunna
A tanta fæ da un caso in pagamento.

Solo se in sò lenguaggio intende ogn'unna
Da ro vostro cervello per depento,
Chiù vario, e chiù inconstante che ra Lunna.