Ra cittara zeneize 1636/Queste secche sì commode, e chianelle
| ←torna a l'èndexo | Ra cittara zeneize de Amoî Mainæschi |
Quando ammorta ro So ra sò candeira→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Queste secche sì commode, e chianelle;
Onde ro So per natura destin
Sciù ro levase pa ch'ogni mattin
Per baxare, e adorare s'allivelle:
Questi scoeggi si ricchi de patelle;
Onde, com'addormio à ro tettin,
Ro Ma, senza passa ri suoe confin,
Pa che per reverentia nò parpelle.
Nò per atro son tanto avantaggiæ
Maxinna, da ri atri de favoi
Che per essete chì tanto accostæ.
Che se un So solo fa tenti stupuoi
Cose de fà ri Suoi moltiprichæ
Chì, donde in cangio d’un, ghe n'hemmo duoi?