Ra cittara zeneize 1636/Quando ammorta ro So ra sò candeira
| ←torna a l'èndexo | Ra cittara zeneize de Amoî Mainæschi |
Quest'ombrinotta ancon viva, e freschissima→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Quando ammorta ro So ra sò candeira
Sotta ro moccalumme dro ponente,
Che ro dì scappa così bellamente,
Che ven ra noette à da ra bonna seira.
Amo, chì nò sà sta s'o nò me peira,
S'ò nò me dà ro me tegnitamente,
Pa che ra mæ Maxinna ò m'apprezent,
Ch'o sà che nò me satio moæ de veira.
Lì tanto ò me sollicita, e conseggia,
Per fame cræ che ro me ma me san,
Ch'ò me caccia ro pugno intre l'oreggia
Così, mentre ò me carrega ra man,
Ri atri dorman, mì fasso ra veggia,
Me gh'acciappa ro So de l'undeman.