Ra cittara zeneize 1636/Quello ch'à penna fá con ro penello

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Do Benardo Scciafin

Cerchæ tutta ra Darsena, e ro Muoe→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

DEL SIGNOR BERNARDO SCHIAFFINO. Quello ch'à penna fa con ro penello Porreiva un'Eccellente depento, Ti ro fæ con ra penna, onde ro So Ti tiri da ro Ce com'un oxello. Che se intri scoeggi d'un Ballin novello Ti canti, ò in villa re passioin d'Amò Ti spui perle chi poæran trà de lo Com'apuinto passæ pe ro crivello. Duoi d'unna sola pria corpi ti fæ Finto, e vero aggroppando, ond'hà raxon Meduza à fa l'effetto à chi no cræ; Ma mì, che tanto apprexo ro sermon Chi porta con ro gusto utile assæ A Dio canta (te prego) e dà dro bon.

RISPOSTA. Ra mæ vitta, Schiaffin, con che pennello Depenze moæ porreiva un depento? Scorratto oura à ra Lunna, oura à ro So; Oura in Ma pescio, oura in ro bosco oxello. Son tosto vegio, e fasso dro novello: Stampo oura versi, che zà fei d'Amo; Gratto tenti meste, che trà de lo M'han dra testa ouramoæ fæto un crivello Ra caressa dre laude che me fæ, Vostre proprie, Schiaffin, con chiù raxon, Fæ dunca ch'à sæ ta da pueire cræ. Che con fane un brevissimo sermon, Di che Cavallo è Galant'hommo assæ, Ro resto dro sonetto è tutto bon.