Ra cittara zeneize 1636/Cerchæ tutta ra Darsena, e ro Muoe

Ra cittara zeneize de Gian Giacomo Cavallo
Do Lonardo Levanto

Zena, Gioxeppe Pavon, 1636
In corscivo e ligatue. Gh'amanca i acenti aguççi.

[p. 152 modifica]DEL SIGNOR
LEONARDO
LEVANTO.

Cerchæ tutta ra Darsena, e ro Muoe
Non troverei pescou grande ò piccin
Chi posse accoventase con Ballin,
Ballin famozo da Lussabaluoe.

Mà nò sò che me di dri fæti suoe,
Oura ò se perde appruoeo à gritte, e zin,
Da puoe che Amo ghe dà per sò destin
Unna gritta per Donna, un zin per Cuoe,

Amo gh'è andæto à mette in fantaxia
Che quenti pesci son dentra marinna
Nò voeran questa Gritta savoria;

Nì ghe punze ro cuoe nissunna spinna,
Quanto ro ponze ch'ò nò truoeve via
D'inchiode questa Gritta à Lunna pinna.

[p. 153 modifica]
RISPOSTA

Quella Gritta, dri pesci ro carzuoe,
Onde l'Arba destilla à ra mattin,
Per savorira, succaro divin,
Amara per mì solo e dentro, e fuoe:

Quello Zin, tutto armou de puinteiruoe,
Chi me pertuzan, sens'havei moæ fin;
Quella Bella, chi hà misso ogni sò fin
In vive dra mæ morte, e moæ nò muoe,

Ch'à m'haggie misso in tanta frenexia
D'abbandona per le ra fregatinna,
Lonardo, à che stupi dra me pazzia;

Se Amo, chi fà dro lesto, e dro berlinna,
Ven per veira d'in Ce senz'arbaxia
Là, dond'ò stà con Maestæ divinna?