Ra cittara zeneize 1636/Quando Maxinna, solo d'affassase
| ←torna a l'èndexo | Ra cittara zeneize de Amoî Mainæschi |
Quando, per ammorta ra sò fassinna→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Quando Maxinna, solo d'affassase
A vista dro maroxo in sciù ro scoeggio
Fà deventa ro ma portopigoeggio,
Che veggo re personne strasegnase.
Mì per cangio, che sò, che d'allargase
Ra borrasca, in mì tutta l'arrecoeggio;
Che ro me cuoe scontrando oeggio con oeggio
Corre perigo de nò prefondase.
Nesci (diggo trà mì) son ben da ben
Nò san, se ben ro ma pa tranquillio,
Che ra fortunna è chi si nò ra ven?
Zà che son guersi (se nò pecco à Dio)
Ghe posseli innorbi de là dà ben:
Così con ro cu cuoetto me ne rio (r)