Ra cittara zeneize 1636/L’Anno, che ancuoe pá un morto da cuxí

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Do Pê Gioxeppe Giustignan

Ballin se vuoi scrivei, se vuoi parlæ→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

DEL SIGNOR PIER GIUSEPPE GIUSTINIANO. L’Anno, che ancuoe pa un morto da cuxi O và comm'un ginetto de carrera, Fresco comm'unna ruoeza in sciù ra chiera Deman Vuoi ro virei chi compari. Ma se unna votta nuoi femmo ro fi, Lunghi, e stratteizi dentr'unna leitera, Nò poemmo in nissunissima manera Fi à ro dì dro Giudicio revegni. Piggæ voi donca, per amo de De, Ro Piffaro, Ballin, cantæ Maxinna, Se vorei resta vivi, e vuoi, e le. Traræ fuoera mi assì ra chitarrinna: Cantereiva mì assì per resta in pe Ma ra Fortunna troppo m'assassinna.

RISPOSTA Per vestise de foeggie appenna Arvi Sparega con ra primma bottonera, Che l'Anno andæto zù pe ra maxera Con tutte re saxuoin se væ spari. G[i]ustignan, così và; nò gh'è da di; Ogni cosa à ro mondo hà ra sò fera: Dre veritæ questa è ra pura, e vera Ogni cosa chi nasce, hà dà mori. Gh'è solo un verso da trane ri pe Ro fase à son de versi in pavarinna A ra stradda dra Gloria ro sente. Giustignan, per fuzi questa rovinna, Femmone tenti, quente Stelle è in Ce, Quante granne d'arenna hà ra Marinna.