Ra cittara zeneize 1636/Ballin se vuoi scrivei, se vuoi parlæ

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Do Antogno Riciardo

Atri passan montagne, atri marinne→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

DEL SIGNOR ANTONIO RICCIARDI Segret. dell'Eccellentiss. Prencipe Doria. Ballin se vuoi scrivei, se vuoi parlæ, Tutto bonombre sei, tutto dottrinna; Me maraveggio dra vostra Maxinna Chi zuoemoæ nò se lassie un po recræ. Ve zuro certo pe re mæ pecchæ, Me sata quarche votta ra berlinna, Che un pestummo de frasca si piccinna Ve tire à questo moeo tente frechiæ. Saveivo ra raxon, caro Ballin? L'è nò puoi leze le ro vostro chiento, Stampæro ch'à farà ro chianzorin. Nò me di chiù ra fora dro bestento; E nò me sta[e] chiù à vende soffranin Dæ un bon giorno à ro Mondo macontento.

RISPOSTA Tentei (l'è vero) in sciù ra primma etæ, Quando Amo dà ra botta à ra tetinna Un scuoeggio ro chiù duro dra marinna Cantando indærno muoeve à caritæ; E spesso à re mæ lagrime affoghæ D'accende dubbiei ra fregattinna, Cangiou da puoe ro tuoessego in meixinna Rixi trà mì dri me nessuoi passæ. Sciù ra memoeria dro me primmo fin Stampo però ri versi dro me chiento, Quando fei per Amo tenti strascin. De sà se con si magro pagamento, Ricciardi, ò vorrà fame un chitt'e fin Questo Tiranno, chi n'è moæ contento.