Ra cittara zeneize 1636/Donna zà che per lagrime, e per chienti
| ←torna a l'èndexo | Ra cittara zeneize de Amoî Çivî |
Donna zà che con tanto studio e cura→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Donna zà che per lagrime, e per chienti
Onde porto zuoemoæ ra vista torta;
Zà che con questa chiera, e futa, e smorta
No basto à fave fæ dri me tormenti,
Frusto da tenti amareghi, e bestenti,
Descreditou con vuoi, che chiù m’importa
Metto re chiave anchuoe sotta ra porta,
Resoluto d'anda pe ri me venti.
Adio, Donna, me parto e vivo, e san,
Ro pezo che poei fa, ve ne poei rie,
Che parte à ra lovesca com'un can.
Minetta, adio, ve chianto bello chie;
Ro tempo ve farà tocca con man
Chi è veramente bestia, o vuoi, o mie.