Ra cittara zeneize 1636/Donna zà che con tanto studio e cura
| ←torna a l'èndexo | Ra cittara zeneize de Amoî Çivî |
Me cuoe se ben per vuoi son dentre picche→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Donna zà che con tanto studio e cura
Ve mostræ cosi gravia dro me sciento,
Per saolave à ri pe me v'apprezento,
Ma chiù per bestia, che per creatura.
Nò zà per fave moæ cangia natura
Che questo nò me caze in pensamento,
Ma per dave à ra fin questo contento
De mette à sacco ra mesma figura,
Cosie in manco assæ d'un quarto d'hora
Ve trarei da ro cuoe questo roziggio,
Con livera de metteme in mar'hora.
L'un l'atro se traremmo de letiggio;
Vuoi finirei de chiodeve ra gora;
Mì de spussave da ra larga un miggio.