Ra cittara zeneize 1636/Me cuoe se ben per vuoi son dentre picche
| ←torna a l'èndexo | Ra cittara zeneize de Amoî Çivî |
De passo in passo un pensamento noevo→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Me cuoe se ben per vuoi son dentre picche
Ond'Amo, dì e nuoette m'assequæra,
Hò ro cuoe largo com'unna tortæra,
Chi me conseggia che no me bosticche.
Ogniun pe ra Cittæ mæ fa re ficche;
Tutto ro Mondo se ne fà gazæra;
Mi fasso dro me ma festa, e bombera,
Rio per no parei che me ne picche.
Anzi quando quarchun se n'[a]scramanna,
Digho che in vuoi no ghe[sic] corpa nissunna,
Che me son lamentou de gamba sanna.
Dezinganno re gente à unna à unna,
M'inganno mì d'anda troppo à ra chianna.
Di vuoi se son taggiou de bonnalunna.