Ra cittara zeneize 1636/Con questo cuoe chiù morto assæ, che vivo
←torna a l'èndexo | Ra cittara zeneize de Amoî Çivî |
Quanto chiù me despoeggio manco sato→ |
Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Con questo cuoe chiù morto assæ, che vivo
Con questi oeggi de lagrime assuppæ
Con ra corda à ro collo dra pietæ,
Minetta, questa lettera ve scrivo.
Mì, per gratia de De, fin à chi vivo
Ma tosto m'assemeggio à unna meistræ;
Hò ro coro dri corpi sotterræ:
Dro pape, d'onde chi me ve descrivo.
Minetta, à questo passo, che senti:
In questo grou sì mizero m'attroevo,
E tanto in là, che chiù no se puoe di.
Vuoi, per chi tenti ascadi ogni di proevo
Stæ come se sentissi discorri
Dre Indie perdue, dro Mondo Noevo.