Ra cittara zeneize 1636/Quanto chiù me despoeggio manco sato

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Çivî

Minetta, me ne vaggo quanto posso;→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

Quanto chiù me despoeggio manco sato
Annima mæ che compassion è questa,
Che fassæ profession d’havei ra testa
Dura chiù che re legne dell'appato ?

Che me tegni ro morro così ato
In ogni mæ giustissima requesta,
Che voggiæ sempre che ve vegne in questa
Come se fuissi ro mæsmo Senato?

Che staghe nuoette, e dì con re moen zuinte
Pregando senza moæ veime exaudio,
Passando à son de chienti re strapuinte.

E c'haggiæ vuoi ro cuoe sì incancario
De voreime redue dro tutto in ninte?
Giexo, misericordia de Dio.