Poexie zeneixi do Feliçe Santi/Fiori secchi
| ←Concorimmo?... | Poexie zeneixi de Fiori secchi |
Famiggia, Patria e Gêuxio Cristo→ |
Tramezo a questo libbro squinternôu;
Giano, moelin e tûtto arrensenio,
Con questa cêa da mörto in cataletto,
Cöse ti fæ chi drento assotterrôu,
Mancante d’ögni lûxe e de respîo?
Dimme: Cöse ti fæ, pövôu, mazzetto?.....
Quella tale che a mi a t’ha regallôu
Lé percoscì, câo mæ, ch’a m’ha tradîo,
Che a conto, tale quale, a fîse zetto!
Segûo che, comme mi, a t’aviâ scordôu:
Ma se t’êu dâghe ancon l’estremo addio,
Vannighe pûre, câo, che te-o permetto!....