Poexie zeneixi do Feliçe Santi/Dichiarazion
| ←Famiggia, Patria e Gêuxio Cristo | Poexie zeneixi de Dichiarazion (in to Borgo di Lanê) |
L'önomastico de mæ figgia→ |
Zoêna, n’öriæ ammancave de rigoardo,
Ma aviæ da dîve solo ûnn-a parölla.
Le ûn pö che me gh’appenso e no m’azzardo.....
A lengoa — ve-o creddiesci? - a me ghe mölla!
Gh’aja zà dito a vöstro fræ o Nicölla,
Che, quando voî m’ammiæ, c’o vöstro sgoardo,
Sento drento de mi che tûtto scrölla!.....
Ma, o no v’ha manco ansciôu?..... Brûtto bastardo!
Da quande a primma vötta — ûnn-a mattin —
V’hö visto lì derê, da o tiatro Apöllo,
Me son sentîo d’aveilo in to stoppin!
Föscia ve sö parsciûo ûn cöso möllo....
Pûre — se ghe tegnî — bella Nettin,
Se no ve piggio... öriæ rompîme o cöllo!