Piaggio M. - Poesie 1846/Varietæ/Sûnetti/L'Ombra do Sciö Reginn-a
| ←A Sciortïa da Casassa da Mænn-a | Sûnetti de L'Ombra do Sciö Reginn-a |
Arregordo do Blocco→ |
| (ediçion Pagan - 1846) |
Pochi anni a-o mondo son vissûo despeôu
Senza aveìne de pesti, e da pestâ;
Sempre o disnâ co-a çenn-a ho litigôu
Senza levâme a vêuggia de mangiâ;
I garzonetti m’han persegnitôu
Con fâme sempre appreûvo o carlevâ;
M’ho rotto o collo, imbriægo, e m’han portôu
Ancon cädo chi ä Foxe a sotterrâ;
L’è trent’anni che son in menissetti,
Eppû me fan parlâ per caregâme
In Teatro, in ti Lûnaj, e in ti Fûggetti,
Finn-a morto, che vêuggian tribolâme!
Zà che no pêuan ciù tiâme i becchelletti,
Mascarsoîn! troviö a stradda d’appartâme.[1]
- ↑ errata corrige: appattâme