Piaggio M. - Poesie 1846/Varietæ/Sûnetti/Arregordo do Blocco
| ←L'Ombra do Sciö Reginn-a | Sûnetti de Arregordo do Blocco |
E Grondann-e→ |
| (ediçion Pagan - 1846) |
Sûnetto.
Giorno, e nêutte o çervello me lambicco
Per poeì capî, per cöse ho da ëse secco,
C’ûn moro longo, affiôu pezo che ûn micco,
D’ûn cô ciù verde, che no n’è o festecco;
Cose me serve d’ëse tanto ricco
Se no posso scricchî, se appenn-a lecco
Un pö de broddo fæto cö lambicco,
E mangio tanto, quanto peiza ûn stecco!
No posso passeggiâ, se no n’ho o bacco,
Quando me mescio tûtte e osse ciocco,
E se m’assetto ammïo ben cose sciacco;
Ho a testa vêua, stordïo comme ûn allocco;
Da cose mai deriva tanto acciacco?
Mæ Moæ me concepì in tempo do blocco.