O Cicciollâ 1930/Voxe antiga

by Feipo Noberasco

←A Meodinn-a

O Cicciollâ de Feipo Noberasco Voxe antiga de Ettore Zunin

A festa de Santa Lûçia→

lasciòu inalterâ a grafia do "Cicciollâ".

Voxe antiga

I

D’in sce a caladda — finn-a zû ä fôxe,
d’in sc’e mûäge — zu pe e côntrae,
zû pei caruggi — cöre ûnn-a vôxe;
a va pei Fraighi — e in ti Casciae,
pe Fossavaea,
sempre ciû forte —, sempre ciû ciaea,
a vôxe antiga — di nostri pone,
ch’a ne ripete — cômme ûn rimprovero:
« De nostre glorie no ve scordae »,

II

L’è cuscì bello — quando se sente
ritornâ e cöse — che son passae,
scädâse a ô fêugo — da nostra gente,
rivive i giorni — de n’âtra etae.
Ecco o Brandale:
torna, o Comûne — medioevale;
se rifà o tempo — di nostri poae,
che ne ripetan — comme ûn rimprovero:
« De nostre glorie no ve scordae ».

III

A nostra gente — oua a se descia:
son vëgi artieri, — vëgi mainae;
Savonn-a antiga — ecco, a se mescia....
Passa o confêugo — pe-o Podestae....
Sêun-na, Vittoria!^[1]
I nostri Consoli — forgian a storia,
se batte o popolo — pe-a libertae!
Ripete a vôxe — comme ûn rimprovero:
« De nostre glorie no ve scordae ».

IV

Sante memorie! — Pe mâ, pe taera,
l’Aquila neigra — con eäe arsae,
a va superba, — in paxe e in guera,
sempre, l’insegna — di nostri poae;
e a Vittoria
d’in sce o Brandale — a festa e a gloria.

a canta i secoli — che son passae....
Ripete a vôxe — comme ûn rimprovero:
« De nostre glorie no ve scordae ».

1. Cosi fu battezzata la nuova campana, messa nel 1380 sulla torre del Brandale, in memoria delle vittorie riportate coi Genovesi su Venezia, nella guerra ch’ebbe fine nel 1381.