O Cicciollâ 1930/O prève zembo
| ←Educassiun in famiggia | O Cicciollâ de O prève zembo de Gioxeppe Cava |
Parla o Prescidente→ |
| lasciòu inalterâ a grafia do "Cicciollâ". |
O prève zembo
Scià scûze, reverendo, ma no posso
ese d’accordio in scimile argumento:
saiò, comme scià dixe, un ortudosso,
ma logico no treuvo quanto sento.
No gh’è na faccia paigia in mezo a sento,
chi ha o naso rebecûo e chi l’ha grosso,
chi è bello da baxà, chi fa spavento,
chi è magro camme ’n picco e chi ’n colosso.
Per ese féti a immagine de Dio
a differenza a l’è troppo evidente;
perciò mi, reverendo, a ’sto regio
de frasi no ghe creddo ûn assidente...
E poi, scià me permette, o-u fiò avvertio:
cun quello zembo lì, no l’è prudente.