O Cicciollâ 1930/O pescio-can-gatto
| ←A festa de Santa Lûçia | O Cicciollâ de O pescio-can-gatto |
Gelosia→ |
| lasciòu inalterâ a grafia do "Cicciollâ". |
O pescio-can-gatto
Grasso, riondo comme ûn mei, vestïo
De neigro, e, — sorva a-o gipponetto gianco
Unn-a cadenn-a d’öu garantïo —
Sdraiòu in pötronn-a comme ûn ommo stanco.
O l’ha disnòu, e o ghe stàeto servïo
Un profûmmòu caffè: a le d'accanto
In sce ’n sofà o dorme arrensinïo
Un maestoso e lindo gatto gianco.
Questo quadretto o fa quaexi pensâ
A-o bello tempo in cui Adamo ed Eva
Stavan in to giardin a riposâ;
Ma l’innocensa a l’è andaeta sfûmando....
Ecco, miaeli un po’ lì: o no se dieva,
Ma tûtti doî son ingrasciâe röbando.