O Cicciollâ 1930/O cangio
| ←Muralitè | O Cicciollâ de O cangio |
A scuverta de Voronoff→ |
| lasciòu inalterâ a grafia do "Cicciollâ". |
O cangio
O cangio o l’è ’na specie de bäsiga,
Che a va sciû e zû segundo i bullettin.
L’è ûn punto anchêu, duman a l’è ’na riga,
E ûn franco ve diventa dûi cittin.
Cun questo cangio a l’è 'na gran fatiga
Saveì cose se tegne in to bursin:
O dollaro, da ghêubbo, o balla a giga
E ne despêuggia tûtti cian cianin.
Pe rimediaghe dixan de prudûe,
De limitase a l’estero a catta;
Pruvè però a cattave due verdûe
E o cangio ve sentièi za rinfaccià,
Perchè e leitûghe in ciassa sun vegnûe
Da l’isula di laddri da ligà.