O Cicciollâ 1930/O barbê politicante
| ←Disavventûa | O Cicciollâ de O barbê politicante de Gioxeppe Cava |
Conseggi pë ben vive→ |
| lasciòu inalterâ a grafia do "Cicciollâ". |
O barbê politicante
- A gente, se sa ben, a l’è ûn po’ nescia,
Se lascia imbibinâ de parolluin....
Famme a barba, Gustin, ho tanta sprescia....
Che sun de tiate, in fundo, de curdin.
Mi, per esempio, me sun za persuaso,
Vagghe Orlando o Salandra a-o ministero....
Gustin, Gustin, ti m’insavunn-i o naso!...
O no se prugrediâ de mezo zero.
Tanto pezo, allantua, pe-a borghesia....
Ammïa, Gustin, che ti me taggi o mento....
E pezo ancun de ciû pe-a monarchia
Se no se trêuva ûn ommo in parlamento.
Intremmo in te ’n momento decisivo,
E stemmo per andâ tûtti in malüa:
Con questo movimento sovversivo
A va a finî.... Che ti me taggi a güa!