O Cicciollâ 1930/O Cicciollo
| ←A mosca | O Cicciollâ de O Cicciollo |
A-o Bosco de Ninfe→ |
| lasciòu inalterâ a grafia do "Cicciollâ". |
O cicciollo
— « Pe chi söfre l’anemìa
e o l’è giano soffranin,
’na meixinn-a garantìa,
o cicciollo, Marinin ». —
— Seggi serio, o mae Tomaxo,
no me fa o ciarlatan....;
i rimedi daeti a caxo
pe-i marotti no ghe van....;
o cicciollo ’na meixinn-a?
ti me creddi ’na cretinn-a? —
— Mi a caxo no te parlo,
ti o trêuvi in ti Casciae
insemme a-e trippe, a-e torte,
no, çerto, da-i speziae....;
O cicciollo, l’è ’na bela
con do sangue e di pignêu;
chêutto in broddo o ’n tà pöela
ti o perlecchi, o rangia o chêu. —